ASTANA. KAZINFORM — Qazaqstandyq Narıman Qurbanov Ońtústik Koreıanyń Chechhon qalasynda ótip jatqan sporttyq gımnastıkadan Azııa chempıonatynda bas júlde aldy.
Qurlyqtyq dodada ol at snarıadyndaǵy saıysta 14.933 upaımen jeńimpaz atandy.
Narıman Qurbanov 1997 jyly dúnıege kelgen. 2024 jylǵy Jazǵy Olımpıada oıyndarynyń kúmis júldegeri boldy. 2023, 2024 jylǵy Azııa chempıony bolsa, 2022 jylǵy Azııa oıyndarynda qola júlde aldy.
Sondaı-aq el quramasynan at snarıadyndaǵy jattyǵýda Іlııas Azızov (13.933 upaı) úzdik úshtikti túıindese, Ońtústik Koreıa ókili Van Hýr (14.633 upaı) ekinshi orynǵa jaıǵasty.
Aıta ketsek, budan buryn Azııa chempıonatynda qazaqstandyq Mılad Karımı erkin jattyǵýdan kúmis medal aldy.
Eske salsaq, el quramasy komandalyq kópsaıysta úshinshi oryn aldy. Qurlyqtyq dodaǵa Qazaqstan quramasy tájirıbeli sportshylardy alyp bardy. Oǵan Ońtústik Koreıa, Ózbekstan, Taıbeı jáne basqa elderden myqty gımnastshylar qatysty.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.