Narıman Kurbanov sporttyq gımnastıkadan álem kýbogyna qatysady

<p>ASTANA. KAZINFORM - Qatar astanasy Dohada 17-20 sáýir aralyǵynda sporttyq gımnastıkadan álem kýbogynyń kezeńi ótedi.</p>

QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, báseke qorytyndysy boıynsha Olımpıadaǵa lıtsenzııa alǵan gımnastshylar anyqtalady. Ulttyq qurama sapynan Narıman Kurbanov at snarıadynda oıyndar joldamasyn alýǵa jaqyn tur. Elimizdiń erler quramasynyń bas bapkeri Aleksandr Kım onyń múmkindigi jaıynda aıtyp ótti.

«Dohadaǵy sheshýshi kezeńde Narımanǵa úzdik úshtikke kirý qajet. Nátıjesinde odan keıin kele jatqan áriptesteri qýyp jete almaıdy. Qazir 3 kezeńnen keıin onyń enshisinde 66 upaı bar. Qazir reıtıngide 2-orynda turmyz. Sol sebepti Narıman kem degende úzdik úshtikten túspeýi kerek», - dedi Aleksandr Kım.

Aıta keteıik, ázirge Qazaqstan enshisinde sporttyq gımnastıkadan Olımpıadanyń bir joldamasy bar. Byltyr Antverpendegi álem chempıonatynda Mılad Karımı qola medalmen birge kópsaıysta joldamaǵa qol jetkizdi.

Qatar astanasyndaǵy álem kýbogyna erlerden Mılad Karımı, Dmıtrıı Patanın, Dıas Toıshybek, Narıman Kurbanov baq synasa, áıelderden Aıda Baýyrjanova, Darıa ıAsınskaıaǵa senim artamyz.