ASTANA. KAZINFORM - Narıman Qurbanov sporttyq gımnastıkadan 2025 jylǵy FIG World Challenge Cup týrnırinde at snarıadyndaǵy jattyǵýda altyn medal jeńip aldy.
Qazaqstandyq gımnast 15.066 upaı jınap, jeńis tuǵyrynyń eń bıik satysyna kóterildi. Ekinshi oryndy Armenııa sportshysy Gamlet Manýkıan ıelendi (14.800). Al úzdik úshtikti ıtalııalyq Gabrıel Targetta túıindedi (14.733).
Narıman Qurbanov 1997 jyly dúnıege kelgen. 2024 jylǵy Jazǵy Olımpıada oıyndarynyń kúmis júldegeri boldy. 2023, 2024, 2025 jyly Azııa chempıony atansa, 2022 jylǵy Azııa oıyndarynda qola júlde aldy.
Narıman Qurbanov sporttyq gımnastıkamen bes jasynan bastap aınalysady. Alǵashqy bapkeri óziniń ákesi bolǵan.
2024 jylǵy Parıj Olımpıadasynda ol fınalda 15,433 upaı jınady. Nátıjesinde ekinshi orynnan kórindi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.