Qazaqstan OPEK+ aldyndaǵy mindettemesin oryndady

<p>ASTANA. KAZINFORM &ndash; Búgin Birlesken mınıstrlik monıtorıng komıtetiniń (JMMC) 56-shy otyrysy ótti. Otyrysta 2024 jyldyń shilde jáne tamyz aılaryndaǵy shıki munaı óndirý málimetteri men aǵymdaǵy naryq jaǵdaılary talqylandy. Bul týraly QR Energetıka mınıstrligi málim etti.&nbsp;</p>

«Kezdesý barysynda Irak Respýblıkasy, Qazaqstan Respýblıkasy jáne Reseı Federatsııasy qyrkúıek aıynda usynylǵan ótemaqy josparlaryna sáıkes óz mindettemelerin tolyǵymen oryndaǵandaryn rastady. Úsh el kelisimniń qalǵan merziminde mindettemelerin oryndaýǵa jáne ótemaqy tóleýge beıildiligin rastady», — delingen mınıstrlik habarlamasynda.

Komıtet Irak Respýblıkasy, Qazaqstan Respýblıkasy jáne Reseı Federatsııasy ókilderiniń qatysýymen tamyz jáne qyrkúıek aılarynda ótemaqy josparlaryn oryndaý týraly úsh jeke tehnıkalyq semınar men analıtıkalyq agenttikterdiń qatysqanyn atap ótti. 

Monıtorıng komıtetine qatysýshylar mindettemeler men ótemaqylardy oryndaýdyń asa mańyzdy ekendigin erekshe atap ótti. Monıtorıng kabıneti buryn qabyldanǵan mindettemelerdiń, sonyń ishinde qosymsha erikti qysqartýlardyń oryndalýyn baqylaýdy jalǵastyrady jáne naryqtyq jaǵdaıdy turaqty túrde baǵalaıdy. 

Monıtorıng komıtetiniń kelesi 57-shi otyrysy 2024 jylǵy 1 jeltoqsanda ótedi dep josparlanyp otyr.