Náresteni tastap ketý faktilerin habarlamaǵan medıtsına uıymdaryna jaza kúsheıedi

ASTANA. QazAqparat – Jańa týǵan balany tastap ketý oqıǵalaryn habarlamaǵan memlekettik medıtsınalyq uıymdarǵa jaza kúsheıtilmek. Іshki ister mınıstrliginiń bastamasymen ázirlengen bul usynys «Ashyq» NQA portalynda jarııalandy, dep habarlaıdy QazAqparat tilshisi.

Atap aıtqanda, jańa ózgeriske saı, QR Ákimshilik quqyq buzýshylyq kodeksine jańa 135-1-baby engizilmek.

«Memlekettik medıtsınalyq uıymdar jáne jetim balalar men ata-anasynyń qamqorlyǵynsyz qalǵan balalarǵa arnalǵan uıymdardyń laýazymdy adamdarynyń jańa týǵan balany tastap ketý, jetim balalar men ata anasynyń qamqorlyǵynsyz qalǵan balalardyń kelip túsýi jáne jetkizilýi faktisin 3 kúnde habarlamaýy eskertý jasaýǵa ákep soǵady.

Kózdelgen ákimshilik jaza qoldanylǵannan keıin bir jyl ishinde qaıtalap jasalǵan dál sol áreket úshin 10 aılyq eseptik kórsetkish mólsherinde aıyppul salýǵa ákep soǵady», - dep jazylǵan jańa redaktsııada.

Aıta keteıik, qoldanystaǵy zańnamada mundaı norma joq. Endi tıisti ózgeris kúshine ense, onda bul baǵyttaǵy isterdi qaraý quzyreti balanyń quqyqtaryn qorǵaý salasyndaǵy ýákiletti organǵa beriledi. ıAǵnı, balany tastap ketý faktilerin habarlaý, ishki ister organdaryna hat joldaý ýákiletti organnyń basshysy men onyń orynbasarlaryna júkteledi.

Qujat 3 naýryzǵa deıin kópshilik talqylaýda bolady. Keıin qol qoıý úshin Memleket basshysyna joldanady.