Napoleonnyń qalpaǵy aýktsıonda 2 mln eýroǵa satyldy

<p>Frantsýz ımperatory І Napoleon Bonaparttyń qalpaǵy Frantsııa astanasy aýmaǵyndaǵy Fontenblo kommýnasynda ótken aýktsıonda 1,9 mln eýrodan astam aqshaǵa satyldy. Bul týraly Osenat aýktsıon úıi málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://ru.euronews.com/2023/11/19/france-napoleon-hat" target="_blank" rel="noopener">Euronews</a> basylymyna silteme jasap.</p>

Frantsýz ımperatory Napoleon Bonapart kıgen tanymal qalpaqtardyń biri Frantsııa astanasy aýmaǵyndaǵy Fortenblo kommýnasynda jeksenbi kúni bolǵan aýktsıonda 1 932 000 eýroǵa satylyp rekord ornatty.

Qalpaq shamamen 1810 jyldan beri saqtalyp keledi.

Aýktsıon úıi saıtyndaǵy aqparat boıynsha, áýelde lot 600-800 eýroǵa baǵalanǵan.

Aq-kók-qyzyl kokardamen bezendirilgen, kıizden jasalǵan bas kıim Jan Lýı Nýaze toptamasyndaǵy Napoleon zattarynyń ishinde eń qymbatqa satyldy.

Byltyr qaıtys bolǵan frantsýz ónerkásip ıesi toptamany jarty ǵasyrdan astam ýaqyt jınaǵan.

Aýktsıonǵa qoıylǵan basqa zattardyń qatarynda 1815 jyly Vaterloo túbindegi aıqasta jeńilgennen keıin onyń kúımesinen urlap áketilgen kúmis tárelke men ustara, kúmis tis şetkasy, qaıshy men basqa da jeke zattary salynǵan ústel boldy.