Nan baǵasy bir jyl ishinde 5,7%-ǵa qymbattady

NUR-SULTAN. QazAqparat – Qańtar aıynda elimizde nan baǵasy 0,1%-ǵa ósken, dep habarlaıdy QazAqparat ENEGRYPROM saıtyna silteme jasap.

Bıyl qańtarda 45 myń tonna nan óndirildi, bul kórsetkish 2019 jyldyń qańtarymen salystyrǵanda 22,9%-ǵa tómen. Byltyr da jańa pisken nan óndirisi 2018 jyldyń qańtarymen salystyrǵanda 1%-ǵa tómendegen bolatyn.

Jalpy 2020 jyldyń qańtar-jeltoqsanynda 614,2 myń tonna jańa pisken nan óndirildi, bul bir jyl burynǵy kezeńmen salystyrǵanda 13,8%-ǵa tómen.

Jańa pisken nannyń jartysyna jýyǵy úsh óńirge tıesili. 2021 jyldyń qańtarynda 11,6 myń tonna nan pisirgen Túrkistan oblysy kósh bastap tursa, odan keıingi oryndarǵa Almaty (5,5 myń tonna) jáne Aqtóbe (4,5 myń tonna) oblystary jaıǵasqan.

Bir aı ishinde nan 0,1%-ǵa, jylyna 5,7%-ǵa qymbattady. Jyl boıynsha salystyrsaq eń qatty qymbattaǵan joǵary sortty unnan jasalǵan bıdaı nany bolyp shyqty. 2020 jyldyń qańtary men 2021 jyldyń qańtary aralyǵynda baǵasy 10,3%-ǵa ósken. Qarabıdaı nanynyń baǵasy 9,8%-ǵa artqan.

Sondaı-aq az qamtylǵan azamattarǵa arnalǵan birinshi sortty unnan jasalǵan «áleýmettik» nan jylyna tek 3,7%-ǵa qymbattaǵan.