«Namys» partııasyn tirkeý máselesi qaralyp jatyr – Ádilet mınıstrligi

NUR-SULTAN. QazAqparat – QR Ádilet mınıstrliginde «Namys» partııasyn tirkeý máselesi qaralyp jatyr. Bul týraly vıtse-mınıstr Alma Muqanova Ortalyq kommýnıkatsııalar qyzmetinde ótken brıfıngte aıtty, dep habarlaıdy QazAqparat tilshisi.

«Meniń bilýimshe, qazir «Namys» partııasyn tirkeý máselesi qarastyrylyp jatyr. Qazirgi tańda tirkelgen 6 partııa bar. Taǵy birneshe partııany tirkeý jumystary 2019 jyly bastalǵanyn bilesizder. Biraq qujattaryndaǵy keıbir sáıkessizdikterge baılanysty olardy tirkeý jumystary toqtatylǵan bolatyn», - dedi mınıstrdiń orynbasary.

Sondaı-aq, ol Elbasy týraly konstıtýtsııalyq zań kúshin joısa, Prezıent týraly konstıtýtsııalyq zań eks-prezıdent Nursultan Nazarbaevqa tıisti kepildikter beretinin aıtty.

«Búkil eks-prezıdentterdi qamtıtyn norma tıisti konstıtýtsııalyq zańda bar. Elbasy týraly zań jobasy joıylsa da, bizde Prezıdent týraly konstıtýtsııalyq zań jobasynda tıisti kepildikterdi qamtıtyn normalar bar», - dedi Alma Muqanova.