Namıbııa prezıdenti Hage Geıngob 82 jasynda qaıtys boldy

<p>ASTANA. KAZINFORM &ndash; Namıbııa prezıdenti Hage Geıngob 82 jasynda qaıtys boldy. Bul týraly <a href="https://www.aa.com.tr/ru/%D0%BC%D0%B8%D1%80/%D0%BF%D1%80%D0%B5%D0%B7%D0%B8%D0%B4%D0%B5%D0%BD%D1%82-%D0%BD%D0%B0%D0%BC%D0%B8%D0%B1%D0%B8%D0%B8-%D1%85%D0%B0%D0%B3%D0%B5-%D0%B3%D0%B5%D0%B9%D0%BD%D0%B3%D0%BE%D0%B1-%D1%83%D0%BC%D0%B5%D1%80-%D0%B2-%D0%B2%D0%BE%D0%B7%D1%80%D0%B0%D1%81%D1%82%D0%B5-82-%D0%BB%D0%B5%D1%82/3127332" target="_blank" rel="noopener">Anadoly</a> agenttigi jazdy.&nbsp;</p>

Namıbııanyń eń iri kúndelikti basylymy The Namibian-nyń jazýynsha, atalǵan eldiń basshysy Namıbııa astanasy Vındhýk qalasyndaǵy aýrýhanada kóz jumǵan.

Al vıtse-prezıdent Nangolo Mbýmba marqum Geıngobtyń 3 aqpan kúni tańerteń áıeli men balalarynyń qasynda jan tapsyrǵanyn aıtty.

Geıngob 2015 jyly Namıbııa prezıdenti qyzmetine kirisken. Ol 1990 jyldan 2002 jylǵa deıin burynǵy prezıdent Sem Nýjomanyń ákimshiligi kezinde eldiń birinshi premer-mınıstri qyzmetin atqardy.

Geıngob sońǵy aılarda densaýlyǵyna qatysty problemalarmen kúresip keledi. 8 qańtarda prezıdent ózine qaterli isik dıagnozy qoıylǵanyn habarlady. Keıin, 25 qańtarda memleket basshysy emdelýge AQSh-qa attandy. Geıngob 30 qańtarda - eki kún emdelgennen keıin Namıbııaǵa qaıta oraldy.

Ol 2015 jyly naýryzda Namıbııa prezıdenti boldy jáne 2019 jyly qaıta saılandy. Sondaı-aq 1990-2002 jáne 2012-2015 jyldary eki ret eldiń premer-mınıstri qyzmetin atqarǵan.