Naqtylanǵan bıýdjette bekitilgen teńge baǵamyn ózgertýge negiz joq - Súleımenov

ASTANA. QazAqparat  - Úsh jyldyq naqtylanǵan bıýdjette bekitilgen teńge baǵamyn ózgertýge esh negiz joq. Bul týraly Májiliste «2018-2020 jyldarǵa arnalǵan respýblıkalyq bıýdjetti naqtylaý týraly» QR zańynyń jobasyn tanystyrǵan QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat.

«Bizge teńge baǵamynyń qalyptasýy naryqtyq joldarmen oryn alady. Oǵan Ulttyq bank jaýapty. Biraq, qalaı degende de olardyń aqparatyna sáıkes ınterventsııa jasalmaıdy. Sondyqtan baǵam qalyptasýy erkin. Sol sebepti valıýtalyq mindettemeler men kiristerdiń esep-qısaby úshin biz 340 teńge alamyz. Ortasha jyldyq baǵamdy, qazirdiń ózinde shamamen 319-320 teńgemen úsh aıdy ótkizgenimizdi eskerer bolsaq, qazirgi sátte bizdiń esep aıyrysý baǵamyn qaıta qarastyrýǵa negiz kórip otyrǵanymyz joq. Bul baǵa belgileý uzaqmerzimdi sıpatqa ıe. Buǵan deıinde aıtqanymdaı, bul negizinen Reseıdegi qubylmalyqqa qandaı da bir psıhologııalyq reaktsııadan týyndap otyr», - dedi Tımýr Súleımenov depýtattardyń saýalyna oraı.

Aıta keteıik, búgin Úkimet otyrysynan keıin QR Ulttyq banki tóraǵasynyń orynbasary Alpysbaı Ahmetov KASE bırjasyndaǵy teńge baǵamynyń kúrt tómendeýine qatysty pikir bildirdi.