Naqtylanǵan bıýdjet - damý hám ındýstrııalyq-ınnovatsııalyq órleý bıýdjeti bolyp tabylady - Ó. Shókeev

aýryzdyń 9-y. QazAqparat /Qanat Mámetqazyuly/ - Aǵymdaǵy jyldyń naqtylanǵan bıýdjeti - damý hám ındýstrııalyq-ınnovatsııalyq órleý bıýdjeti bolyp tabylady. Búgin QR Parlamenti Senatynda ótken «Óńir» depýtattyq tobynyń otyrysy barysynda QR Premer-Mınıstriniń birinshi orynbasary Ómirzaq Shókeev osylaı málim etti,

dep habarlaıdy QazAqparat.

«Memleket basshysynyń aǵymdaǵy jylǵa qatysty alǵa qoıǵan barlyq tapsyrmalaryn júzege asyrý maqsatynda biz is-áreketterimizdi qarjylyq qamtamasyz etýdi tolyq sheshtik jáne naqtylanǵan bıýdjetti Parlamentke usyndyq. Bıýdjetti naqtylaýdyń bazalyq qaǵıdaty birqatar máseleni qamtıdy. Atap aıtqanda, biz eń aldymen damý bıýdjetin hám ındýstrııalyq-ınnovatsııalyq órleý bıýdjetin usynyp otyrmyz. Sonymen bir mezgilde, Elbasynyń belgilegen mezgilinde 2010-2014 jyldarǵa arnalǵan údemeli ındýstrııalyq-ınnovatsııalyq baǵdarlamasyna túzetýler engizilip otyr. Bul aldaǵy bes jyl boıǵy Úkimettiń eń basty qujattarynyń biri bolyp qala beredi», dedi Ó. Shókeev. Onyń aıtýynsha, baǵdarlamaǵa sáıkes, qoldanystaǵy 50-den astam burynǵy baǵdarlamalar kúshin joıatyn bolady. Bul rette údemeli ındýstrııalyq-ınnovatsııalyq damý baǵdarlamasy negizgi maqsattarǵa qol jetkizý úshin naqty tetikterdi qamtıdy. Baǵdarlama boıynsha naqty syrtqy jáne ishki resýrstar esebinen ınvestıtsııalyq qamtylymdar kútiledi.

«Aǵymdaǵy jyly 146 jobany júzege asyrý aıaqtalady jáne jańa 47 joba qolǵa alynady dep kútilýde. Toqtala ketetin jaıt, endi qolǵa alynatyn jáne qoldanystaǵy barlyq jobalarǵa qatań monıtorıng júrgiziledi. Biz eshqandaı da jobanyń qadaǵalaýsyz qalmaıtyndaı jumys úderisin qalyptastyratyn bolamyz», dedi Úkimet basshysynyń orynbasary.