Nıý-Iorktegi tótenshe oqıǵa terakt retinde tergelip jatyr

ASTANA. QazAqparat - Nıý-Iorkte bolǵan lańkestik áreketten 8 adam mert bolyp, 12 adam jaraqat aldy. AQSh ishki ister qaýipsizdigi mınıstrligi bul oqıǵany terrorlyq akt dep jarııalady, dep habarlaıdy TASS.

Aıta keteıik, biz buǵan deıin Nıý-Iork qalasynda júk kóligi bir top jaıaý júrginshilerdi basyp ketip, artynan oq jaýdyrǵanyn. Nátıjesinde 6 adam mert bolǵanyn habarlaǵan bolatynbyz . 

Resmı málimetterge qaraǵanda, júk kóliginiń júrgizýshisi velosıpedshiler jolaǵyna túsip, joldaǵylardyń bárin qasaqana basqan. Kúdikti qamaýǵa alyndy. Bılik onyń aty-jóni men azamattyǵy týraly aqparat bergen joq.

«Qazirgi ýaqytta  bolǵan tótenshe oqıǵadan 8 adam mert bolyp, 12 adam jaraqat aldy», - dedi megapolıs meri Bıll de Blazıo baspasóz máslıhatynda.

Kolýmbııanyń federaldyq okrýginiń polıtsııasy qala turǵyndaryna barynsha abaı bolyp, eger kúdikti jaıttardy baıqaǵan kezde  quqyq qorǵaý organdaryna habar berýge keńes berdi.