Nıý-Iorktegi saýda-sattyqta munaıdyń barreli 59,96 dollarǵa deıin arzandady

ASTANA. QazAqparat - Tehastyń ashyq tústi munaıynyń shildedegi jetkiziliminiń quny juma kúni Nıý-Iorktegi saýda-sattyqta barreline 0,81 dollarǵa (1,33%) deıin arzandap, 59,96 dollarǵa deıin tómendedi, dep habarlady TASS.

Sarapshylardyń aıtýynsha, «qara altynnyń» baǵasy arzandaýyna álemdik naryqtarda munaıdyń kóp bolýy sebep boldy. «Jahandyq jaǵdaıdy alǵanda naryq myqtap álsiredi, - dep sanaıdy Florıdada ornalasqan Energy Analytics Group taldaý kompanııasynyń dırektory Tom Fınlon. - OPEK múshe-elderinde munaı óndirý olar ýáde etkendeı, joǵary deńgeıde bolyp otyr. Sonymen birge bizge AQSh-ta áli de kóp munaıdy satýymyz qajet».