Nıý-Iorktegi atystan bir adam kóz jumyp, 8-i jaraqat aldy

NUR-SULTAN. QazAqparat – Dúısenbide Nıý-Iorktegi Garlem aýdanynda belgisiz bireý adamdarǵa oq atyp, 1 adam qaza tapty jáne 8-i jaraqat alǵan, dep habarlaıdy QazAqparat NBC News-ke silteme jasap.

Polıtsııa jaraqattanǵan bes adamdy aýrýhanaǵa jetkizdi. Taǵy tórt zardap shegýshi medıtsınalyq mekemege jeke kóligimen barǵan. Jaraqattanǵandardyń biri, 21 jastaǵy basketbolshy alǵan jaraqaty saldarynan aýrýhanada kóz jumdy. Keıinirek onyń Darıýs Lı ekeni anyqtaldy, ol oqıǵa ornynan bir kvartal jerde turǵan. Jappaı atystyń sebebi men kúdiktiler týraly aqparat ázirge joq. Polıtsııa oqıǵa ornynan atys qarýyn tapty.

Buǵan deıin Vashıngtondaǵy merekelik kontsertte atys bolyp, adamdar qaza tapqany týraly habarlanǵan edi.