Nıý-Iorkte jappaı densaýlyq saqtaý qyzmeti týraly saıası deklaratsııa qabyldandy
Otyrysta Jappaı densaýlyq saqtaý qyzmetimen qamtýǵa arnalǵan Saıası deklaratsııa qabyldandy, dep habarlaıdy QR Densaýlyq saqtaý mınıstrliginiń baspasóz qyzmeti.
QR Densaýlyq saqtaý mınıstri Eljan Birtanov Nıý-Iorkte BUU Bas Assambleıasy aıasynda ótken saıd-ıventte «Jappaı densaýlyq saqtaý qyzmetterimen qamtamasyz etý jáne turaqty damýǵa qol jetkizýge arnalǵan medıtsınalyq-sanıtarlyq alǵashqy kómek» taqyrybynda baıandama jasady.
Іs-sharany QR Densaýlyq saqtaý mınıstrligi AQSh-tyń Densaýlyq saqtaý jáne áleýmettik qyzmet mınıstrligimen birlesip uıymdastyrdy. Jıynǵa álem elderinen júzden astam adam qatysty. Olardyń ishinde halyqaralyq uıymdardyń kóshbasshylary, BUU-ǵa múshe elderdiń densaýlyq saqtaý jáne syrtqy ister mınıstrleri, ǵalymdar, osy saladaǵy sarapshylar boldy.
Otyrysta DDSU bas dırektory Tedros Adhan Gebreıesýs, ıÝNISEF atqarýshy dırektory Genrıetta For, Halyqaralyq Elektr baılanysy odaǵynyń Bas hatshysy Chjao Hoýlın, AQSh Densaýlyq saqtaý jáne áleýmettik qyzmet mınıstri Aleks Azar jáne Dúnıejúzilik Banktiń Densaýlyq saqtaý, tamaqtaný jáne halyqty qonystandyrý máseleleri jónindegi jahandyq sektorynyń dırektory Mýhammad Alı Pate sóz sóıledi.
«Búgin qabyldanǵan JDSQQ (jappaı densaýlyq saqtaý qyzmetimen qamtamyz etý) boıynsha jańa saıası deklaratsııada MSAK adamdardyń dene jáne psıhıkalyq densaýlyǵyn, áleýmettik ál-aýqattyn jaqsartatyn ınklıýzıvtik, tıimdi jáne pármendi tásil dep jazylǵan. Sonymen qatar, Almaty jáne Astana deklaratsııasy boıynsha MSAK jappaı densaýlyq saqtaý qyzmetterimen qamtamasyz etý jáne turaqty damýdyń irgetasy»,-dedi Eljan Birtanov.
Sonymen qatar, mınıstr Qazaqstan Úkimeti úshin adamdardyń densaýlyǵy eń joǵary ulttyq qundylyq bolyp qala beretinin atap ótti.
Qazaqstan Konstıtýtsııasy barlyq azamattar men elimizge kelýshilerge memleket qarjylandyratyn tegin medıtsınalyq kómekke kepildik beredi. JDSQQ (jappaı densaýlyq saqtaý qyzmetimen qamtamyz etý) qosymsha medıtsınalyq qyzmetter arqyly odan ári keńeıtý maqsatynda 2020 jyldyń qańtarynan bastap Mindetti áleýmettik medıtsınalyq saqtandyrý iske qosylady.
«Medıtsınalyq saqtandyrý reformasy medıtsınalyq kómektiń qoljetimdi bolýyna, sapasynyń jaqsarýyna yqpal etedi jáne halyqtyń densaýlyǵyna jumsaıtyn shyǵynyn eki esege qysqartady. Osy reforma arqyly densaýlyqty nyǵaıtýǵa jáne aýrýlardy erte anyqtaýǵa múmkindik týady, al azamattardyń óz densaýlyǵy úshin áleýmettik jaýapkershiligin arttyramyz dep úmittenemiz», - dedi Eljan Birtanov.