Nıý-Iorkte tórt saǵattyń ishinde 5 adamdy óltirip ketti

NЬıÝ-IORK. QazAqparat – Polıtsııanyń málimetinshe bar bolǵany tórt saǵatta Nıý-Iorktiń ártúrli aýdandaryndaǵy qarýly shabýyldan bes adam qaza tapqan, dep habarlaıdy QazAqparat ABC News basylymyna silteme jasap.

Nıý-Iork qalalyq polıtsııasynyń málimetinshe, kisi óltirý oqıǵalary shildeniń 12-sinen 13-ine qaraǵan túni saǵat 21.00 men túngi 1-diń arasynda bolǵan.

Úsh oqıǵa Brýklındegi Saıpress-Hıllz, Braýnsvıll jáne Oýshen-Hıll aýdandarynda jáne ekeýi Bronkstyń Fordhem-Haıts jáne Ýeıkfıld aýdandarynda bolǵan.

Zardap shekkender aýrýhanaǵa jóneltildi, biraq eshqaısysy aman qalǵan joq. Tergeý amaldary júrgizilip jatyr, atyp ketken kúdiktiler áli anyqtalǵan joq.

Qalanyń sońǵy qylmys statıstıkasy sońǵy jeksenbige deıin Nıý-Iorkte 222 kisi óltirý oqıǵasy bolǵanyn kórsetedi.

Bul ótken jyldyń sáıkes kezeńimen salystyrǵanda 8% az.