Nıý-Iorkte Qazaqstannyń týy kóterildi

NЬıÝ-IORK. QazAqparat - Respýblıka kúnin merekeleý aıasynda Nıý-Iork meri Erık Adams qalanyń ortalyq aýdany Manhettende Qazaqstannyń memlekettik týyn kóterýdiń saltanatty rásimine qatysty. Bul týraly QazAqparat SІM silteme jasap habarlaıdy.

Nıý-Iork basshysy óziniń quttyqtaý sózinde sharaǵa qatysýshylardy jyly lebizimen quttyqtap, halyq arasyndaǵy dostyqty bildiretin tý kóterýdiń jaqsy dástúrin atap ótti.

Mer E. Adamsqa alǵysyn bildirgen Nıý-Iorktegi QR Bas konsýly Raýshan Esbolatova ulttyq mereke – Respýblıka kúniniń tarıhı mańyzyna toqtaldy. Qazaqstandyq dıplomat osydan otyz jyldan astam ýaqyt buryn, 1990 jyldyń dál osy kúni Qazaqstan memlekettik egemendik týraly deklaratsııany qabyldaǵanyn, bul elimizdiń Táýelsizdik jolyndaǵy alǵashqy qadamy bolǵanyn atap ótti.

«Tý kóterý – mańyzdy oqıǵalarǵa arnalǵan erekshe rásim. Elimniń kókte jelbiregen týy otandastarymyzǵa erekshe sezim beretinine maqtan tutamyn», – dep túıindedi sózin QR Bas konsýly.

Saltanatty sharaǵa bıznes qaýymdastyq, dıplomatııalyq korpýs ókilderi, qalanyń qurmetti azamattary men qonaqtary qatysty.

Foto : gov.kz