Nıý-Iorkte BUU Bas Assambleıasynyń sessııasy ashylady

ASTANA. QazAqparat - Seısenbi kúni, 16 qyrkúıekte Nıý-Iorkte BUU shtab-páterinde Bas Assambleıanyń 69-shy sessııasy ashylady. Resmı rásim jergilikti ýaqytpen 15:00-de (máskeý ýaqytymen 23:00) ashylady, onda BUU Bas hatshysy Pan Gı Mýn jáne maýtssym aıynda Bas Assambleıanyń 69-shi sessııasynyń tóraǵasy bolyp saılanǵan ýgandalyq dıplomat Sem Kýtesa jyldyq jumys qorytyndylary týraly esep beredi.

Sessııanyń qaýyrt jumysy kelesi aptada -- 23 qyrkúıekte bastalady, Bas assambleıada BUU bas hatshysy shaqyrǵan klımat boıynsha bir kúndik sammıt ótedi. Kelesi kúni dúnıejúzilik uıymnyń shtab-páterinde BUU 193 múshe-elderiniń, sondaı-aq 2012 jyldan beri baqylaýshy-memleket mártebesin ıelengen Palestına ókilderiniń qatysýymen jyl saıynǵy jalpy saıası pikirsaıys (jalpy jaryssóz) bastalady.

24 qyrkúıekte Bas Assambleıa minbesinen AQSh prezıdenti Barak Obama sóz sóıleıdi. Kelesi kúni Ýkraına prezıdenti Petr Poroshenkonyń sóıleýi josparlanǵan, bul onyń BUU shtab-páterinde alǵashqy ret bolýy.

1 qazanǵa deıin jalǵasatyn jalpy saıası pikirsaıystar aıasynda birqatar joǵary deńgeıdegi kezdesýler ótedi. 24 qyrkúıekte AQSh prezıdentiniń tóraǵalyǵymen Qaýipsizdik keńesi halyqaralyq lańkestik problemasy boıynsha otyrys ótkizedi. 30 qyrkúıekte BUU Qaýipsizdik Keńesi Sırııadaǵy gýmanıtarlyq jaǵdaıdy talqylaıdy.