Nıý-Iorkte avtobýstyń soqtyǵysýy saldarynan 70-ten astam adam zardap shekti
13:03, 07 Shilde 2023
NЬıÝ IORK. QazAqparat - Beısenbige qaraǵan túni Nıý-Iorkte avtobýstyń soqtyǵysýy saldarynan birneshe ondaǵan adam zardap shekti, dep habarlaıdy QazAqparat ABC News-ke silteme jasap.
Manhettendegi Birinshi avenıý men 23-shi kóshede úlken apat boldy, onda eki qabatty týrıstik avtobýs pen MTA avtobýsy soqtyǵysty.
1-jedel járdem bólimi bastyǵynyń orynbasary Pol Hopper 36 adam aýrýhanaǵa jatqyzylyp, 35 adamǵa oqıǵa ornynda kómek kórsetilgenin aıtty. Hopperdiń málimetinshe, jaraqattardyń eshqaısysy ómirge qaýip tóndirmeıdi, olardyń deni bas jáne moıyn jaraqattary jáne synyqtar. Týrıstik avtobýs júrgizýshisi de tekserý úshin aýrýhanaǵa jetkizildi.
Nıý-Iork qalalyq órt sóndirý departamenti bastyǵynyń orynbasary Kevın Merfı apat ornynda qutqarýshylar birneshe baspaldaq ornatyp, shyǵý joldary zaqymdalǵandyqtan jaralanǵandardyń bir bóligin túsirý úshin arqan qoldanǵanyn aıtty.