Nıý-Iorkte Astananyń 20 jyldyǵy atap ótildi
Astana qalasynyń mereıtoıyna oraı uıymdastyrylǵan saltanatty qabyldaýǵa Birikken Ulttar Uıymynyń túrli qurylymdarynyń basshylary, BUU-ǵa múshe memleketterdiń ókilderi, halyqaralyq uıymdardyń bólimshe basshylary men Nıý-Iorktegi BUU janyndaǵy úkimettik emes uıymdardyń basshylary, sarapshylar men jýrnalıster qatysty.
Keshti ashqan Qazaqstannyń Birikken Ulttar Uıymy janyndaǵy Turaqty ókili Qaırat Omarov Astanany qalyptastyrý tarıhy, qalanyń zamanaýı damýy jáne onyń álemdik arenadaǵy róli týraly málimdedi. Ol Astananyń jetistikteri Qazaqstannyń tuńǵysh Prezıdenti Nursultan Nazarbaevtyń esimimen tyǵyz baılanysty ekenin aıtty. Astana álemniń eń jas astanalarynyń biri bola otyryp, 20 jyl aralyǵynda ǵylym men bilim, mádenıet pen ónerdiń joǵary deńgeıi qalyptasqan, sáýlet óneri damyǵan, iri halyqaralyq is-sharalardyń jáne mańyzdy kelissózder úderisteri men jahandyq bastamalardyń ortalyǵyna aınalǵan zamanaýı megapolıs bolǵandyǵyn atap ótti.
«Qazaqstannyń BUU Qaýipsizdik Keńesiniń turaqty emes múshesi retindegi jumysynda Astananyń bitimgershilik kúshteri kórinis tapty. Elordamyz Birikken Ulttar Uıymynyń barlyq múshe memleketterimen yntymaqtastyqqa ashyq», - dedi Q.Omarov merekelik keshtiń qonaqtaryna.
BUU Bas hatshysynyń orynbasary, Eń nashar damyǵan elder, teńizge shyǵar joldary joq damýshy elder, jáne shaǵyn araldardaǵy damýshy elder boıynsha BUU Joǵarǵy ókili Fekıtamoeloa Ýtoıkamaný Qazaqstan astanasynyń mereıtoıymen quttyqtady. Óz sózinde ol Astana úmit pen tabysty transformatsııanyń sımvolyna aınalǵanyn atap ótti. «Qazaqstan Respýblıkasynyń Prezıdenti Nursultan Nazarbaevtyń kelesi sózderi meniń esimde qaldy: Astana - Qazaqstannyń jańǵyrýynyń sımvoly jáne qazaq halqynyń jasampaz kúshi, olardyń senimi men bolashaǵyna degen senimdiligi», - dep atap ótti F.Ýtoıkamaný.
BUU Bas hatshysynyń saıası máseleler jónindegi orynbasary Rozmarı DıKarlo Astanany serpindi jáne qyzyqty qala ekendigin aıtty. Naqtylaı ol «Qazaqstannyń turǵyndary osy tamasha qalany, sondaı-aq BUU Qaýipsizdik Keńesinde óz eliniń belsendi jumysyn jáne halyqaralyq arenadaǵy Qazaqstannyń mańyzdy rólin maqtan ete alatynymen» bólisti.
Іs-shara barysynda «Astana - beıbitshilik qalasy» fılmi kórsetildi, sondaı-aq Qazaqstan Respýblıkasy Tuńǵysh Prezıdenti Qory ázirlegen Astananyń 20-jyldyq mereıtoıyna arnalǵan «A Day in Astana» mereıtoılyq fotoalbomy usynyldy.