Nıý-Iorkte ár 17 mınýt saıyn koronavırýstan bir adam kóz jumýda

NUR-SULTAN. QazAqparat – Koronavırýspen aýyrǵandardyń jalpy sany álem boıynsha 600 myńnan asty. Bul týraly Habar24 arnasynda ótken onlaın brıfıngte aıtyldy, dep habarlaıdy QazAqparat tilshisi.

«Tótenshe jaǵdaı shekteýlerine túsinistik tanytyp, karantın rejımin saqtap otyrǵandaryńyz úshin alǵys aıtamyz. Karantın rejımin buzǵan biraz oqıǵany anyqtap jatyrmyz, biraq halyqtyń basym kópshilgi dárigerler keńesine qulaq asyp, úılerinde qalýda», - deıdi QR Aqparat jáne qoǵamdyq damý mınıstri Dáýren Abaev.

Ol karantın tártibin saqtaý óte mańyzdy ekenin aıtty.

«Koronavırýs álemde qalaı órship jatqanyn kórip otyrǵan bolarsyzdar. Nıý-Iorkte ár 17 mınýt saıyn koronavırýstan bir adam kóz jumýda. Aýyrǵandardyń jalpy sany álem boıynsha 600 myńnan asty. Ólim kórsetkishi 4,6%. Bul joǵary kórsetkish bolyp esepteledi», - deıdi ol.