Nıý-Iorkte AQSh ólkelik federaldyq soty Hrapýnov pen Áblıazovtyń otbasylarynyń isi boıynsha aralyq sheshim shyǵardy

ASTANA. QazAqparat - Jumysyn QR Ádilet mınıstrligi úılestirgen zań konsýltanttar sotty Nıý-Iorktegi federaldyq sot osy másele boıynsha talqylaý úshin quzyretti sot bolyp tabylatynyna sendire bildi. Sot isti toqtatý boıynsha jaýap berýshilerdiń barlyq dálelderin joıdy. Osylaısha, AQSh-tan qarajatty zańsyz áketý áreketiniń joly kesildi, dep habarlady QR Ádilet mınıstrliginiń baspasóz qyzmeti.

Budan buryn habarlanǵandaı, BTA banki, Almaty qalasynyń ákimdigi men QR Ádilet mınıstrliginiń birlesken jumysynyń nátıjesinde AQSh-ta M. Áblıazov pen V. Hrapýnovtyń qylmystyq toby urlaǵan on mıllıondaǵan dollar buǵattaldy.

Іsti qaraý kezinde sot qazaqstandyq tarap Hrapýnov otbasynyń baqylaýyndaǵy kompanııa Nıý-Iorkte jyljymaıtyn múlik naryǵynda ınvestıtsııalyq qyzmetpen aınalysqanyna  negizdi dálel keltirdi degen tujyrymǵa keldi. Sot qazaqstandyq taraptyń dálelderin qabyldady, ol uıymdasqan qylmyspen kúres týraly federaldyq zańnyń negizinde isti jalǵastyrýǵa múmkindik beredi.

Áblıazov pen Hrapýnov zańsyz baıý jáne bóten múlikti paıdalanǵany úshin aıyptalýda. Sot Almaty ákimdigi men BTA banktiń ustanymy myqty ekenin, úderiste jeńiske jetýi múmkin ekenin aıtty. Osyǵan baılanysty sot qamtamasyz etiletin sharalar týraly qazaqstandyq taraptyń qoldaýhatyn maquldap, aqshalaı qarajatty buǵattaý týraly óz sheshimin uzartty.

AQSh protsessýaldyq zańnamasyna sáıkes odan ári aqparatty ashý rásimi júrgiziledi. Bul Áblıazov pen Hrapýnovtyń qylmystyq toby jymqyrǵan aktıvterdi qaıtarý isinde oń qadam bolyp tabylady.