Nıý-Iork, Jeneva, Bern qalalarynda ıAdrolyq synaqtarǵa qarsy is-qımyl kúni atalyp ótedi

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov BUU-nyń ıAdrolyq synaqtarǵa qarsy halyqaralyq is-qımyl kúni qandaı sharalar ótetinin aıtty, dep habarlaıdy QazAqparat tilshisi.

2009 jylǵy 29 tamyz – Qazaqstannyń bastamasymen BUU Bas Assambleıasynyń qararymen ıAdrolyq synaqtarǵa qarsy halyqaralyq is-qımyl kúni bolyp belgilendi.

«1991 jyly 29 tamyzda Semeı ıadrolyq polıgony jabylǵany málim. Álemdegi eń iri polıgonnyń jabylýy 1996 jyly ıAdrolyq synaqtarǵa jappaı tyıym salý týraly sharttyń qabyldanýyna jol ashty. Halyqaralyq ıadrolyq qarýǵa qarsy kúres kúni búkil álemde keńinen atalyp ótedi. Osylaısha bıyl 29 tamyzda Nıý-Iorkte bul másele boıynsha BUU Bas Assambleıasynyń joǵary deńgeıdegi plenarlyq otyrysy ótedi. BUU-nyń Vena alańynda QR Syrtqy ister mınıstri men ıAdrolyq synaqtarǵa jappaı tyıym salý týraly shart uıymy basshysynyń birlesken málimdemesi jarııalanady, onda ıadrolyq synaqtar men ıadrolyq qarýdan azat álemge qol jetkizýdiń mańyzdylyǵy aıtylady», - dedi resmı ókil Syrtqy ister mınıstrliginiń aptalyq brıfınginde.

Odan bólek, BUU-nyń Jenevadaǵy Eýropalyq bólimshesinde, Qazaqstannyń Berndegi Elshiliginde jáne álemniń basqa da qalalarynda ıadrolyq synaqtar boıynsha arnaıy dóńgelek ústelder men sarapshylardyń talqylaýlaryn ótkizý josparlanǵan.

Sondaı-aq, 29 tamyzda Astanada Ortalyq Azııa memleketteriniń dıplomattary men sarapshylarynyń qatysýymen QR Syrtqy ister mınıstrligi, «Halyqaralyq qaýipsizdik jáne saıasat ortalyǵy» jáne «ıAdrolyq qarýdy joıý jónindegi halyqaralyq naýqan» (ICAN) úkimettik emes uıymdarymen birlesip, «ıAdrolyq qarýdyń gýmanıtarlyq saldary jáne Ortalyq Azııa ıadrolyq qarýdan azat aımaq» atty óńirlik konferentsııa josparlanyp otyr.