Nıý-Iork pandemııanyń aıaqtalýyn úlken kontsertpen atap ótedi

NЬıÝ-IORK. QazAqparat – Álemde koronavırýs pandemııasynyń naqty aıaqtalý kúnin boljaý qıyn, degenmen Nıý-Iork bıligi tamyz aıynda aıaqtalady dep otyr. Dál sol kezde mer Bıll de Blazıo ortalyq saıabaqta megapolıstiń qalypty ómirge oralýyna baılanysty kontsert ótkizýdi usyndy, dep habarlaıdy QazAqparat Reuters agenttigine silteme jasap.

Vaktsına alǵandardyń sany ósip, vırýs azaıyp kele jatyr. Soǵan baılanysty Nıý-Iork bıligi qalada jandy mýzykamen is-shara ótkizýdi uıǵardy. Іs-shara bir aptaǵa jalǵasady dep kútilýde.

«Bul Nıý-Iork úshin tańǵajaıyp, umytylmas apta bolady», - dedi qala ákimi baspasóz máslıhatynda. De Blazıo kontserttiń naqty kúnin, sondaı-aq onda óner kórsetetinderdi jarııalamady. Degenmen New York Times is-sharany 21 tamyzda Ortalyq saıabaqta ótkizý josparlanǵan dep málim etti.

Mýzyka ındýstrııasynyń aty ańyzǵa aınalǵan maıtalmany Klaıv Devıs barlyq juldyz óner kórsetetin úlken is-sharany júrgizedi.

Taıms kontsertte vaktsına alǵan jáne vaktsına almaǵan kórermenderge de oryn beriletinin jáne bıletterdiń shamamen 70%-y vaktsına alǵan mýzyka áýesqoılaryna satylatynyn aıtty. Aıta ketý kerek, kósheler, meıramhanalar men saıabaqtarda qaıta tirshilik lebi seziledi.

Covid-19 saldarynan uzaq aılar boıy bári qańyrap qalǵan edi. Dúısenbide de Blazıonyń aıtýynsha, Nıý-Iorkte pandemııa bastalǵannan beri PTR testileriniń eń tómengi deńgeıi tirkeldi - 0,71%. Qalada shamamen 4,5 mıllıon adam koronavırýs vaktsınasynyń kem degende bir dozasyn aldy.

Nıý-Iork gýbernatory Endrıý Kýomo dúısenbide jeke baspasóz máslıhatynda shtat COVID-19-ǵa qatysty qalǵan shekteýlerdiń kópshiligin alyp tastaıdy dedi. Bul kezde turǵyndardyń 70%-y vaktsınanyń kem degende bir dozasyn alýy tıis, bul qazirgi deńgeıden 1,4% -ǵa az.