Nıý-Iork metrosynda jolaýshylarǵa oq jaýdyrǵan atqysh ustaldy
Polıtsııa 62 jastaǵy Frenk Djeımsti Manhettenniń Ist-Vıllıdj aýdanynda ustady.
Brýklınniń ońtústigindegi 36-shy kóshedegi metro stantsııasynda tańerteńgi qarbalas ýaqytta atys bolyp, saldarynan ondaǵan adam jaraqat alǵan.
«Nıý-Iork polıtsııasynyń júzdegen detektıvi sońǵy 30 saǵat ishinde kóp jumys atqardy. Olar FTB, Lańkestikke qarsy birlesken ortalyq, Nıý-Iork polıtsııasynyń qarý qoldanylǵan qylmystardy barlaý ortalyǵy jáne AQSh marshaldary basqaratyn aımaqtyq jumys tobyn qosa alǵanda, quqyq qorǵaý salasyndaǵy áriptesterimizben birlesip jumys istegen. Biz ony qorshap aldyq. Qashatyn jeri bolmady», - dep málim etti Nıý-Iork polıtsııasynyń komıssary Kıchant Sıýell.
Polıtseıler kúdiktiniń áleýmettik jelide ádepsiz sózderge toly jazbalaryn tekserip, osyndaı áreket jasaýynyń sebebin anyqtaýǵa tyrysyp jatyr.
Djeıms shabýyldan bir kún buryn YouTube saıtynda jarııalanǵan bir vıdeoda qara násildilerge qarsy qylmystardy synap, oǵan shara qoldaný keregin aıtady.
Eske sala ketsek, birneshe kún buryn Nıý-Iorktegi Brýklın stantsııasynda atys bolyp, keminde 13 adam jaraqat aldy.