Nıý-Iork kósheleriniń birinde júk kóliginen 60 adamnyń máıiti tabyldy

NЬıÝ-IORK. QazAqparat – Nıý-Iork polıtseıleri Brýklın aýdanyndaǵy kóshelerdiń birinde, jerleý bıýrosynyń janynda turǵan tórt júk kóliginen 60-qa jýyq adamnyń múrdesin tapty, dep habarlaıdy QazAqparat SNN-ge silteme jasap.

Quqyq qorǵaý organdarynyń aıtýynsha, júk kóliginiń bireýinde salqyndatý júıesi bolmaǵan. Polıtsııaǵa jergilikti turǵyndar shaǵymdanǵan.

Telearnanyń habarlaýynsha, jerleý bıýrosynda denelerdi krematsııa aldynda saqtaý úshin oryn jetispegen. Qalanyń densaýlyq saqtaý basqarmasy osy oqıǵaǵa qatysty málimdeme jasap, jerleý bıýrolarynyń ıeleri sanıtarlyq sharalardy saqtaýy kerek ekenin aıtty.

Qala bıligi salqyndatý júıesi bar arnaıy kólik bólgen. Máıitter sol kólikke aýystyrylady.