Nıý-Iork aýktsıonynda Gagarınniń ǵaryshqa sapary týraly qujat satyldy
Saýda-sattyqta ıÝrıı Gagarınniń ǵaryshqa ushýy jónindegi qujattyń túpnusqasy 47,5 myń dollarǵa satyldy. Jalpy aýktsıonǵa KSRO-nyń ǵarysh baǵdarlamasyna qatysty 10 zat qoıyldy.
Gagarınniń skafandrdaǵy sýreti bar qujat Chkalov atyndaǵy Ortalyq aeroklýbtyń blankinde aǵylshyn tilinde jazylǵan. Ol «KSRO azamaty ıÝrıı Gagarınniń 1961 jyldyń 12 sáýiri kúni «Vostok» ǵarysh kemesi-spýtnıginde ǵaryshqa tuńǵysh saparynyń rekordyn tirkeý» dep atalady.
Aýktsıonda qujattyń alǵashqy baǵasy 50-80 myń dollardy quraǵan bolatyn.
Sondaı-aq amerıkalyq astronavt Nıl Armstrongke tıesili bolǵan Aıdan jınalǵan shań-tozańy bar qaltasha 1,8 mln dollarǵa satyldy. Satyp alýshynyń aty-jóni ázirge atalmaýda. Buǵan deıin uıymdastyrýshylar qaltashany 2-4 mıllıon dollar aralyǵynda satýǵa úmittengen bolatyn.
«Bul artefakt amerıka halqyna tıesili jáne kópshiliktiń nazaryna qoıylýy tıis dep sanaımyz. Ol belgili bir adamnyń menshiginde bolmaýy tıis», - dep pikir bildirdi aýktsıonnyń nátıjesi jóninde NASA-da.
Nıl Armstrong 500 gramǵa jýyq topyraq pen Aıdyń joǵary qabatynyń ár jerinen jınalǵan 12 túrli fragmentti atalmysh qaltashaǵa salyp, Jerge jetkizgen bolatyn.