N.Saýranbaev: Qazaqstan geologııalyq synamalardy Reseı men Qyrǵyzstanda zertteýge májbúr

ASTANA. QazAqparat - Qazaqstanda geologııalyq synamalardy zertteıtin zerthana joq. Bul týraly búgin «Geologııa - 360» suhbat alańynda QR Indýstrııa jáne jańa tehnologııalar vıtse-mınıstri Nurlan Saýranbaev aıtty.

«Qazaqstannyń memlekettik geologııalyq ınfraqurylymynda halyqaralyq standartqa saı sertıfıkattalǵan zerthana joq. Elimiz álemdegi qýatty taý-ken salasyna ıe memleketterdiń biri bolǵandyǵyna qaramastan bizde birde-bir sertıfıkattalǵan zerthana joq, - dedi ol.

Onyń atap ótýinshe, qazirgi ýaqytta elimizdegi barlyq synamalardy zertteý úshin Reseıge, ne bolmasa atalǵan zerthanaǵa ıe kórshi qyrǵyz eline jiberiledi.

«Jyl saıyn álemniń birqatar elderine zerthanalyq jumystar júrgizý úshin ondaǵan myń túrli synama jiberiledi. Osyǵan sáıkes, atalǵan geologııalyq aqparat sol elderde saqtalady. Olar qundy aqparattarǵa ıe ári ony alý úshin sol jumystardy qaıta júrgizý qajet», - dedi N.Saýranbaev.

Vıtse-mınıstrdiń sózine qaraǵanda, sońǵy 13 jyldyń ishinde geologııalyq málimetterdi óńdeý úshin Qazaqstannan 1,5 mln. túrli synamalar syrtqa shyǵarylǵan.

«Qazirgi ýaqytta biz Parlamentte jańa zań jobasy boıynsha jumys isteýdemiz. ıAǵnı, biz joǵaryda atalǵan aqparattardyń Qazaqstanda qalýyn rettemekpiz», - dedi ol.