N.Petýhova: Medıtsınalyq qural-jabdyqtarǵa qyzmet kórsetetin servıstik ortalyqtar qurý qajet

ASTANA. QazAqparat - Medıtsınalyq qural-jabdyqtarǵa qyzmet kórsetetin servıstik ortalyqtar qurý qajet. Bul týraly búgin QR Parlamenti Májilisiniń Áleýmettik-mádenı damý komıteti men «Nur Otan» partııasy fraktsııasy janyndaǵy Áleýmettik keńestiń birlesken otyrysynda depýtat Nadejda Petýhova málim etti.

«Bizderde medıtsınalyq tehnıkter, sondaı-aq fızıkter men hımıkter bolǵan emes. Olar áli de joq. Al joǵary tehnologııalyq qyzmetter mindetti tehnıkalyq súıemeldeýdi qajet etedi ǵoı», - dedi ol.

Onyń sózine qaraǵanda, batys klınıkalarynda dárigerlerden bólek medıtsınalyq ınjenerler de mindetti túrde jumys isteıdi.

«Olar kún saıyn apparattarǵa tehnıkalyq saraptama jumystaryn júzege asyrady. Eń bastysy - tehnıklyq súıemeldeý. Óıtkeni medıtsınalyq qyzmetkerlerdiń mundaı bilimderi joq», - dedi N.Petýhova.