N.Nazarbaev: Úsh tildi bilý - bul jahandanǵan álemge joldama degen sóz

ASTANA. QazAqparat - Úsh tildi meńgerý, bilý - bul jahandanǵan álemge joldama degen sóz. Búgin «Máńgilik El: bir el - bir taǵdyr» atty taqyryppen ótip jatqan Qazaqstan halqy Assambleıasynyń HHІІ sessııasy barysynda QR Prezıdenti, Assambleıa Tóraǵasy Nursultan Nazarbaev osylaı aıtty.

«Kez kelgen memlekettiń ózegi - onyń biregeı memlekettik tili. Búgin men qazaq tilin meńgerip, oqyp júrgenderge shynaıy alǵysymdy bildirgim keledi. Óz balalaryn Otanynyń memlekettik tilinde oqytyp, qazaq tilin bilýi úshin balabaqshalarǵa berip jatqan ata-analarǵa da alǵysym sheksiz. Bul bizdiń biregeı azamattyǵymyzdy bildiredi. Qazaq tiliniń damýy tarıhta osyndaı aýqymdy qarqynmen júrgizilgen emes», - dedi N.Nazarbaev.

Sonymen qatar Elbasy Qazaqstanda barlyq etnıkalyq toptardyń tilderdi damytýyna jaǵdaı jasap otyrǵanyn atap ótti.

«Biz úshtildilikti damytý qarqynyn údetip otyrmyz. Bul oıdan shyǵarǵan dúnıe emes, qajettilik. Qazirdiń ózinde qazaqstandyqtardyń 20 paıyzy aǵylshyn tilin meńgerdi. ıAǵnı, úsh tildi meńgerý, bilý - bul jahandyq álemge joldama degen sóz. Bul adamnyń ómirdegi tabystylyq, jetistik prıntspi. Jahandyq álemde bizdiń balalarymyz «Planeta azamaty» bolady. Sondyqtan da olar álemniń kez kelgen óńirinde jumys istep, kúnin kóre alatyn bolady. ıAǵnı, búgingi kúrdeli álemde bizdiń balalarymyz ózderin «sýdaǵy balyqtaı» sezinýi kerek, biz soǵan jaǵdaı jasap jatyrmyz», - dedi N.Nazarbaev.