N.Nazarbaev Uly Jeńistiń 70 jyldyǵyna oraı Astanada Panfılovqa kóshe atyn berýdi tapsyrdy
«9 mamyr - barsha memleket úshin eleýli kún. Osyǵan baılanysty Astana qalasynyń ákimine Uly Jeńistiń 70 jyldyǵyna oraı, elordamyzdyń jańa kósheleriniń birine bizdiń ataqty jerlesimiz, general Ivan Vasılevıch Panfılovqa kóshe atyn berý jáne eskertkish ornatý jaıyn úılestirýdi tapsyramyn», - dep atap ótti ol.
QR Prezıdentiniń sózine qaraǵanda, qazaq jerinen shyqqan osyndaı batyrlar ózge elderde de qurmetke ıe bolyp keledi.
«Jaqynda - sáýir aıynda Reseıdiń Pskov oblysy Nevel qalasynda bas ortalyq alańǵa qazaq batyry Ábilhaıyr Baımoldınniń esimi berildi. Ol sol qalada fashısterden bosatylǵannan keıin birinshi komendant bolǵan, 1944 jyly qaza tapqan. Endi qala basshylyǵy Jeńis kúninde onyń zıratynda qola músin ornatý josparlaýda. Biz Reseı halqyna soǵys jyldarynyń batyrlaryna osyndaı qurmet kórsetip jatqandary úshin alǵys aıtamyz. Jeńistiń 70 jyldyǵy jaqyndap keledi, biz qazirden bastap oǵan tyńǵylyqty daıyndalýymyz kerek. Qazaqstandyq Keńes Odaǵy batyrlarynyń barshasyn eske alyp, olarǵa qurmet kórsetýimiz shart», - dedi Elbasy.