N.Nazarbaev UQShU UJÁK turaqty áskerı jattyǵýlarynyń qajettigin atap kórsetti

DÝShANBE. QazAqparat - QR Prezıdenti Nursultan Nazarbaev UQShU Ujymdyq jedel áreket etý kúshteriniń turaqty áskerı jattyǵýlaryn ótkizý qajet dep sanaıdy. Memleket basshysy UQShU Ujymdyq qaýipsizdik keńesiniń keńeıtilgen quramdaǵy sessııasynda osyndaı málimdeme jasady.

«Aımaqtaǵy kúrdeli jaǵdaıdy eskere otyryp, UQShU Ujymdyq áreket etý kúshteriniń (UJÁK) jaýyngerlik qabileti men tıimdiligin arttyrýǵa baǵyttalǵan sharalardy qoldaımyz», dedi N.Nazarbaev.

Memleket basshysy sondaı-aq júrgizilgen shuǵyl tekserý UJÁK alǵa qoıylǵan mindetterdi oryndaýǵa daıyn jáne qabiletti ekenin kórsetkenin atap ótti.

«Biz daǵdarysty jaǵdaılardaǵy is-qımyldyń tetigin baıqap kórdik jáne búgin baǵa berdik. Qazaqstan UJÁK áskerı kontıngentteriniń, arnaıy qurylymdarynyń jaýyngerlik daıarlyǵyn arttyra túsý qajettigin qoldaıdy. Turaqty túrde sizdermen jattyǵýlar, sonyń ishinde shuǵyl tekserýler túrinde sharalardy ótkizip turý qajet dep paıymdaımyz», - dep atap kórsetti N.Nazarbaev.