N. Nazarbaev ýkraınalyq qaqtyǵysty retteýde «adal menedjer» retinde kómek kórsetýge ázir

ASTANA. QazAqparat - Elbasy Nursultan Nazarbaev ýkraınalyq qaqtyǵysty retteýde «adal menedjer ustanymynda» kómek kórsetýge ázir ekenin jetkizdi. Bul týraly QR Prezıdenti elimizdiń jetekshi telearnalar jýrnalısterine bergen suhbatynda málim etti.

«Qazirgi kezde barlyǵynyń maqsaty osy soǵysty toqtatyp, Ýkraınanyń táýelsizdigin nyǵaıtýǵa, Ýkraınanyń aýmaqtyq tutastyǵyn moıyndaýǵa negizdelgen. Kelissózder ústeline otyrý qajet. Bul jaıynda búginde reseılik basshylar da aıtýda», - dedi N. Nazarbaev.

Bul turǵyda QR Prezıdenti óz tarapynan bul qaqtyǵysty retteýde kómektesýge daıar ekenin qadap aıtty.

«Qazaqstan Reseıge de jáne Ýkraınaǵa da birdeı qaraıdy, sondaı-aq bizde múddeler shıelenisi joq. Men eshqandaı tarapty jaqtamaıtyn «adal menedjermin», beıtarap ustanymmen qandaı da bir úlesti qosa alamyn. Bul - jaqsylyqqa negizdelgen qalaýym», - dedi Elbasy.