N.Nazarbaev: Til joǵalsa, tildik qasıet te joǵalady

ASTANA-ULYTAÝ. QazAqparat - Til joǵalsa, tildik qasıet te joǵalady. Bul týraly búgin «Habar» telearnasyna eksklıýzıvti suhbat bergen QR Prezıdenti Nursultan Nazarbaev aıtty.

«Biz jalpy, shyndyǵyn aıtsaq, tilden de, dinnen de aıyryla jazdaǵan elmiz. Keńes odaǵy kezinde týra orystandyrý máselesi júrgizildi. Qazaqtyń tili - kishkentaı ǵana top qazaqtyń tili, ol qaıda shyǵady, kimge kerek? Qazaqtyń shekarasynan shyqsań boldy, tildiń keregi bar ma, joq pa? Shyndyǵynda, bir jaǵynan qarasań, ondaı da bar. Biraq bizdiń elimiz úshin, jurtymyz úshin qajet. Biz tarıhymyz, mádenıetimiz, sanamyz, ǵurpymyzdy ózimizdiń tilimizben ǵana jetkize alamyz», - dedi N.Nazarbaev.

Memleket basshysynyń atap ótýinshe, keıbir qazaqtyń sóz oramdaryn, Abaıdyń qara sózderin orysshaǵa, aǵylshynshaǵa jáne basqa tilderge aýdaryp, dál maǵynasyn berý múmkin emes.

«Sebebi tilimizdiń óziniń qasıeti bar. Sondyqtan til joǵalatyn bolsa, onda qasıet te joǵalady», - dedi Elbasy.