N.Nazarbaev sheteldegi qandastarymyzdy úzdik 100 oqýlyqty qazaq tiline aýdarý isine qatysýǵa shaqyrdy

ASTANA. QazAqparat - Elordadaǵy Táýelsizdik saraıynda ótip jatqan Dúnıejúzi qazaqtarynyń V quryltaıynda Qazaqstan Prezıdenti Nursultan Nazarbaev shetelde turatyn qandastarymyzdy eń úzdik 100 oqýlyqty qazaq tiline aýdarý isine belsene qatysýǵa shaqyrdy, dep habarlaıdy QazAqparat.

Memleket basshysy "Bolashaqqa baǵdar: rýhanı jańǵyrý" atty baǵdarlama aıasynda gýmanıtarlyq baǵyttaǵy eń úzdik 100  oqýlyq qazaq tilinde shyǵarylatyndyǵyn atap ótti. Bul qazaqstandyqtar úshin ǵana emes búkil dúnıejúzindegi qazaqtary úshin mańyzdy joba ekendigin basa aıtty.

"Rýhanı qundylyqtardy, gýmanıtarlyq bilimderdi, oqýlyqtardy, shet tilderinen, aǵylshynnan orysshaǵa, orys tilinen qazaqshaǵa aýdarǵansha 10-15 jyl ótedi.  Sondyqtan biz eń kerekti 100 oqýlyqty shyǵarý máselesin aldymyzǵa qoıyp otyrmyz. Endi qandastarymyz qaı elde turǵanyna qaramastan dúnıedegi eń tańdaýly bilimmen ana tilinde sýsyndaıtyn bolady dep esepteımiz", - dedi Prezıdent.

Elbasy búgingi Quryltaıǵa ár túrli tilde sóıleıtin, qazirgi zamanǵa  saı tereń bilimdi jastar otyrǵanyn atap ótti.

"Sizderdi kúlli qazaqtyń órisin keńeıtip, deńgeıin kóteretin osy jobaǵa belsene qatysýǵa shaqyramyn", - N. Nazarbaev.