N.Nazarbaev ortalyǵy Pákistanda konfessııaaralyq damýdyń qazaqstandyq tájirıbesimen bólisti
«Pákistan Islam Respýblıkasyna jumys sapary aıasynda, 2021 jyldyń jyldyń 23-28 jeltoqsan aralyǵynda Álemdik jáne dástúrli dinder lıderleri seziniń maqsattary men mindetterin ilgeriletý jónindegi ýákil, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń basqarma tóraǵasy Bolat Sársenbaev Din jáne konfessııaaralyq kelisim máseleleri jónindegi federaldyq mınıstr Pır Nur-ýl-Hak Kadrıge, Islamabad halyqaralyq ıslam ýnıversıtetiniń prezıdenti doktor Hatal ben Hamýd Ál-Otaıbıge QR Parlamenti Senatynyń Tóraǵasy, Sez hatshylyǵynyń basshysy M.Áshimbaev atynan Álemdik jáne dástúrli dinder lıderleriniń VII Sezine resmı shaqyrý tabys etti. Sonymen qatar, Pákistandaǵy Islam ıdeologııasy keńesiniń tóraǵasy Qıbla Aıazben, Pákistan jáne Taıaý Shyǵys Úkimetiniń dinı úılesimdilik máseleleri jónindegi Premer-Mınıstriniń arnaıy ókili Maýlan Tahır Mehmýd Ashrafımen ekijaqty kezdesýler ótti», - delingen taratylǵan aqparatta.
Basqarma tóraǵasy Bolat Sársenbaev halyqaralyq qaýipsizdikti qamtamasyz etý boıynsha birlesken jumys úshin alǵysyn bildire otyryp, ortalyqtyń Elbasy – QR Tuńǵysh Prezıdenti N.Nazarbaevtyń jahandyq bastamalaryn ilgeriletýdegi negizgi maqsattary men mindetteri, Álemdik jáne dástúrli din kóshbasshylary seziniń negizgi ıdeıalaryn nasıhattaý jumystaryn atap ótti.
«Etnosaralyq jáne konfessııaaralyq kelisimdi nyǵaıtý boıynsha memlekettik saıasatty iske asyrý bizdiń elimizdiń jandanýy men qalyptasýyndaǵy basymdyqqa aınaldy. «Bizdiń ortaq úıimizdegi beıbitshilik» - bul sóz tirkesi jalpy sóılem nemese uran ǵana emes, sonymen birge irgeli prıntsıp, rýhanı jańǵyrýdyń negizi boldy. Bul qundylyqtar ulttyq oılaýdyń basty paradıgmasyna jáne Táýelsiz Qazaqstannyń memlekettik damýynyń uıymdastyrýshy kúshine aınaldy. Sonymen qatar, bizdiń elimiz aýqymdy forým - Álemdik jáne dástúrli dinder lıderleriniń sezi túrindegi turaqty dinaralyq dıalog alańyna aınaldy. Elbasynyń sez shaqyrý jónindegi bastamasy beıbitshilik pen turaqtylyq jolyndaǵy jahandyq dinaralyq dıalogty damytýǵa eleýli úles qosty», - dedi Bolat Sársenbaev.
Sonymen qatar, bıylǵy jyldyń 27 jeltoqsanynda Islamabadqa sapar barysynda ortalyqtyń basqarma tóraǵasy «Bitimgershilik, ulttyq ıntegratsııa, áleýmettik birlik jáne konfessııaaralyq kelisim» atty halyqaralyq konferentsııaǵa qatysty.
Halyqaralyq konferentsııa aıasynda jetekshi ǵylymı-zertteý ortalyqtarynyń, ýnıversıtetterdiń álemdik sarapshylary, Dinı birlestikterdiń, halyqaralyq uıymdardyń ókilderi, sondaı-aq bedeldi qoǵam jáne saıası qaıratkerler álem elderindegi dinı ahýaldy damytýdyń, dinaralyq, mádenıetaralyq dıalog pen rýhanı, ulttyq ıntegratsııa men áleýmettik aýyzbirshilikti nyǵaıtýdyń ózekti máselelerin talqylady. Atap aıtqanda, Islamabad halyqaralyq ıslam ýnıversıtetiniń prezıdenti doktor Hatal ben Hamýdý Ál-Otaıbı, Islamabad halyqaralyq ıslam ýnıversıteti Islamtaný ınstıtýtynyń tóraǵasy, doktor Mýhammed Zııa Ýl-Hak, Islamabad halyqaralyq ıslam ýnıversıteti Islam zertteýleri ınstıtýtynyń dáriskeri, doktor Mýhammad Islam, Islamabad halyqaralyq ıslam ýnıversıtetiniń rektory, doktor Masým ıAsınzaı, Qazaqstan Respýblıkasynyń Pákistan Islam Respýblıkasyndaǵy Tótenshe jáne Ókiletti Elshisi Erjan Kıstafın, Pákistan parlamentiniń memlekettik mınıstri Alı Mýhammad Han, Pákistan jáne Taıaý Shyǵys Úkimetiniń dinı úılesimdilik máseleleri jónindegi Premer-Mınıstriniń arnaıy ókili Máýlan Tahır Mehmýd Ashrafı, Federaldy josparlaý, reformalardy damytý jáne arnaıy bastamalar mınıstri Asad Omar, Pákistan Ulttyq Assambleıasynyń spıkeri Asad Kaızer, sondaı-aq basqa da ǵalymdar, zertteýshiler, buqaralyq aqparat quraldarynyń ókilderi qatysty.
N.Nazarbaev Ortalyǵynyń Basqarma Tóraǵasy óz sózinde konfessııaaralyq saladaǵy Qazaqstan men Pákistan arasyndaǵy áriptestik qatynastyń basymdyǵyn atap ótti. Álemdik jáne dástúrli din lıderleri seziniń turaqty qatysýshysy, Islamabad halyqaralyq ıslam ýnıversıteti Islam zertteýleri ınstıtýtynyń tóraǵasy, doktor Muhammed Zııa ýl-Hakpen yntymaqtastyq týraly Memorandýmǵa qol qoıylýy osyǵan dálel boldy.
Kezdesýler men is-shara qorytyndysy boıynsha Bolat Sársenbaev Pákistannyń alǵashqy jetekshi tsıfrlyq «Discover Pakistan» telearnasynyń «Pákistanǵa qosh keldińiz» baǵdarlamasynda suhbat berip, Qazaqstan men Pákistannyń dinaralyq saladaǵy yntymaqtastyǵynyń bolashaǵyn, sondaı-aq Nur-Sultanda 2022 jyly Álemdik dástúrli din kóshbasshylarynyń sezin ótkizýdiń mańyzdylyǵyn atap ótti.
Óz kezeginde Pákistan tarapy ortalyqtyń Qazaqstan Respýblıkasynyń Tuńǵysh Prezıdenti – Elbasy N.Nazarbaevtyń halyqaralyq bastamalaryn iske asyrýǵa qosqan úlesin, sondaı-aq Memleket basshysy Q.Toqaevtyń konfessııaaralyq dıalogty saqtaý men nyǵaıtýdaǵy reformasyn joǵary baǵalady.