N.Nazarbaev qazaqstandyqtardy Assambleıanyń altyn shańyraǵyn asqaqtata túsýge úndedi

ASTANA. QazAqparat - Búgin Qazaqstan halqy Assambleıasynyń «Máńgilik el: bir el - bir taǵdyr» atty HHІІ sessııasynda QR Prezıdenti, Qazaqstan halqy Assambleıasynyń Tóraǵasy Nursultan Nazarbaev qazaqstandyqtardy Assambleıanyń altyn shańyraǵyn asqaqtata túsýge úndedi.

«Baqyt baǵalaı bilgenniń basyna turaqtaıdy degen sóz bar. Eń asyl qazynamyz - birligimiz. Kózdiń qarashyǵyndaı muny saqtaı alsaq, barlyq asýlardan asamyz, armandarǵa jetemiz. Men halqymdy Assambleıanyń altyn shańyraǵyn asqaqtata túsýge úndeımin. Birlik qaǵıdaty árbir azamattyń ómirlik ustanymyna aınalsyn. Jerimizde uly Otan - Máńgilik elge degen mahabbat oty mazdasyn. Baıandy bolashaqqa birge qadam basaıyq. Yrysymyz tasyp, aıbynymyz asa bersin!», - dedi Elbasy.