N.Nazarbaev: Qaıta óńdeý ónerkásibine 10 transulttyq kompanııa tartý qajet
17:54, 05 Mamyr 2015
ASTANA. QazAqparat - Qaıta óńdeý ónerkásibine 10 transulttyq kompanııa tartý qajet. Bul týraly búgin Aqordada ótken QR Úkimetiniń keńeıtilgen otyrysynda Elbasy Nursultan Nazarbaev aıtty.
«Úkimet qaıta óńdeý ónerkásibi men aýyl sharýashylyǵy salasyna 10 transulttyq kompanııa tartý boıynsha jumystardy júrgizýi qajet. Birden aıtaıyn, aýyl sharýashylyǵy № 1-shi, birnesheýin tartýǵa bolady. Birin etti qaıta óńdeýge, kelesisin astyq, kókónisti qaıta óńdeýge tartýǵa bolady ǵoı», - dedi QR Prezıdenti.
Memleket basshysy mundaı transulttyq kompanııalarǵa elimizde jumys isteý úshin barlyq jaǵdaı jasalýy tıistigin basa aıtty.
«Bizde transulttyq kompanııalarmen mundaı tájirıbe bar. Biz olardy munaı jáne jer qoınaýyn ıgerýge tarttyq. Dál sondaı kompanııalar bar, biz olardy baıqamaı otyrmyz. Osyndaı ustanymmen qaıta óńdeý salalaryndaǵy transulttyq kompanııalarǵa da barlyq jaǵdaı jasalýy qajet», - dedi Memleket basshysy.