N.Nazarbaev ındýstrııalandyrý baǵdarlamasynyń 2-shi besjyldyǵyna birqatar ózgertýler engizýdi tapsyrdy
«Qazirdiń ózinde álemde oryn alyp jatqan jaıttardy eskere otyryp, baǵdarlamany ózektendirý qajettiligi kórinip tur. Investıtsııalyq belsendilik pen suranys tómendeýde, al básekelestik kúsheıip keledi. Sondyqtan, memlekettik baǵdarlamalardy ózektendirý barysynda ónimdilikti, tıimdilikti arttyrýǵa, ónimdiligi az salalardy qoldaýdan arylýǵa, eń aldymen eksportqa baǵdarlanǵan jobalardy irikteýge basa nazar aýdarý qajet», - dedi Elbasy.
QR Prezıdenti elimiz úshin jaıly bolǵan jyldary ishinde 770 nysannyń iske qosylǵanyn atap ótti. Biraq, qazirgi jaǵdaıda olardyń basym bóligi básekege qabiletsizdik tanytyp, memlekettiń qoldaýy esebinen ǵana qalt-qult etip tur.
«Áset Órentaıuly (QR Investıtsııalar jáne damý mınıstri), mundaı bolmaýy tıis. Ne úshin saldyq, biz onda? Qazirgi ýaqytta biz kelesi 5 jyldyqty bastap kettik. Osy jyldyń ózinde 120 nysan qurylysy bastaldy. Eskerý qajet», - dedi Memleket basshysy.
N.Nazarbaevtyń atap ótýinshe, kásiporyndardyń básekege qabiletsizdigi san qýýdan týyndap otyr, «Óńir basshylary kim kóp jasaıdy, salady, baıandaıdy dep jarys uıymdastyrdy. Al endigi ýaqytta bul kásiporyndar jumys oryndaryn qysqartamyz dep Úkimetke kómekke júginýde»,- degen Elbasy 2016 jyldyń 1 sáýirine deıin bul máseleler baǵdarlamada eskerilip, ózektendirilýi tıistigin basa aıtty.