N.Nazarbaev: HHІ ǵasyr - birlik pen dostyqtyń qýatymen ozatyn ǵasyr

ASTANA. QazAqparat - HHІ ǵasyr - birlik pen dostyqtyń qýatymen ozatyn ǵasyr. Búgin Astanadaǵy Táýelsizdik saraıynda qaıta saılanǵan Qazaqstan Prezıdenti Nursultan Nazarbaev Qazaqstan halqyna ant berip, qyzmetine resmı kirisken soń sóılegen sózinde osylaı aıtty.

«HHІ ǵasyr - birlik pen dostyqtyń qýatymen ozatyn ǵasyr. Biz beıbitshilik pen kelisimge, tatýlyq pen turaqtylyqqa táý etip, táýbe deımiz. Osy qundylyqtarymyzdyń qadirine jetý arqyly Máńgilik El bolamyz. Sol jolda talmaı eńbek eteıik, qadirli halqym!», - dedi N.Nazarbaev.

«Qazaqstannyń juldyzy joǵary, joly nurly bolsyn. Eldiktiń týy bıikte jelbirep, abyroıymyz asqaqtaı bersin!», - dep aıaqtady sózin Memleket basshysy.