N. Nazarbaev gaz sektoryn damytýǵa aıryqsha mán berýdi júktedi
15:39, 14 Aqpan 2014
ASTANA. QazAqparat - Búgin Aqordada ótken QR Úkimetiniń keńeıtilgen otyrysynda Elbasy Nursultan Nazarbaev 2030 jylǵa deıingi gaz sektoryn damytýdyń tujyrymdamasyn ázirleýdi tapsyrdy.
Osy másele boıynsha Memleket basshysy QR Munaı jáne gaz mınıstri Uzaqbaı Qarabalın men «QazMunaıGaz» UK AQ basqarma tóraǵasy Saýat Myńbaevqa tyńǵylyqty jumys isteýdi tapsyrdy. Bul turǵyda Prezıdent elimizdiń gaz resýrstaryn eseptep, munaı-gaz kompanııalarymen tıisti jumystar atqaryp, gazdy óndirý joldaryn tolyq zerdelep, ony el ishinde paıdalaný joldaryn qarastyrýdy tapsyrdy. «Ekonomıkany damytý úshin bul óte mańyzdy másele. Osy másele boıynsha Úkimetke usynys engizińizder», - dep túıdi. N. Nazarbaev.