N.Nazarbaev: Eń basty syn-qater - Qazaqstan ekonomıkasynyń bir orynda turyp qalýyna jol bermeý
«Búgingi tańda el ekonomıkasyna tónip turǵan birneshe syn-qaterler bar. Solardyń eń bastysy - ekonomıkamyzdyń bir orynda turyp qalý qaýpi. Muny boldyrmaý úshin batyl qadamdar jasap jatyrmyz. Ózderińiz bilesizder, Qazaqstan Keńes Odaǵy kezinde shıkizat kózi boldy. Ózi eshteńe óndirmedi. Qazir ekonomıkamyzdy táýelsiz etýge talpynyp jatyrmyz. 800-den astam zaýyttar saldyq. 1.5 mln-nan astam jumys ornyn ashtyq. Biz sııaqty endi damı bastaǵan elderdiń barlyǵy «orta tabys tuzaǵyna» túsip qalady. Búgingi kúni, men aıtpaı-aq qoıaıyn, sizder jaqsy bilesizder, kóptegen elder osy jan basyna shaqqandaǵy 12-14 myń dollarlyq ortasha tabysqa qanaǵat tutyp, ary qaraı damymaı qalady. Bul «tuzaq» biz úshin óte qaýipti, sondyqtan biz oǵan túsip qalmaı, odan ári damýymyz qajet», - dedi N.Nazarbaev VІІІ Astana ekonomıkalyq forýmynda.
«Biz bul jerde árıne, qıyn jaǵdaıǵa túsip otyrmyz. Eksport baǵasy da, sanktsııalar da jáne basqa da máseleler bar. Biraq biz buǵan qaramaı ınfraqurylymdy damytýǵa arnalǵan baǵdarlama jasap, oǵan úlken kólemde qarjy quıyp jatyrmyz. Bul qadamymyz aqtalady dep esepteımiz», - dedi ol moderatordyń suraǵyna jaýap berý barysynda.