N.Nazarbaev: BUU 100 jyldyǵyna Jahandyq Strategııalyq Bastama - 2045 josparyn ázirleý qajet
01:47, 29 Qyrkúıek 2015
NЬıÝ-IORK. QazAqparat - Búgin BUU Bas Assambleıasy 70-shi mereıtoılyq sessııasynyń jalpy pikirtalasynda sóz sóılegen Elbasy Nursultan Nazarbaev Birikken Ulttar Uıymynyń júz jyldyǵyna Jahandyq Strategııalyq Bastama - 2045 josparyn ázirleýdi usyndy.
Memleket basshysy óz sózinde HXI ǵasyrda adamzattyń eń basty mindeti álemdi soǵys qaterinen múlde aryltatyn jáne onyń sebepterin joıatyn strategııany júzege asyrý bolýǵa tıis ekendigin basa aıtty. «Sol úshin Birikken Ulttar Uıymynyń júz jyldyǵyna Jahandyq Strategııalyq Bastama - 2045 josparyn ázirleýdi usynamyn», - dedi N.Nazarbaev. Elbasy óz sózinde onyń máni - barlyq ulttardyń álemdik ınfraqurylymǵa, resýrstarǵa jáne naryqtarǵa qol jetkizýiniń ádil sharttary negizinde álemdik damýdyń jańa trendin qalyptastyrý, sondaı-aq adamzattyń damýy úshin jalpyǵa ortaq jaýapkershilikti ornyqtyrý ekendigin túsindirip ótti.