N. Nazarbaev AÓK-tegi bilim men ǵylymdy ıntegratsııalaý máseleleri jóninde birqatar tapsyrmalar berdi
Tilektes Espolovty qabyldady, dep habarlady Aqordanyń baspasóz qyzmeti. Kezdesý barysynda T.Espolov Memleket basshysyna ýnıversıtettiń qazirgi qyzmeti týraly baıandap, agrarlyq bilim men ǵylymnyń jaǵdaıyna qatysty óz oılaryn aıtty.
Qazaqstan Prezıdenti agrarlyq ýnıversıtetterdiń deńgeıin kóterýdiń mańyzdylyǵyna toqtaldy. - Bul JOO-lardyń qyzmetine zertteýshilik baǵyt engizý, sondaı-aq aýyl sharýashylyǵynda ǵylymı jetistikterdi paıdalaný agrarlyq ǵylymdy damytýdyń mańyzdy bóligi bolyp sanalady. Qazaqstanda úsh agrarlyq ýnıversıtet jumys isteıdi. Olardyń ǵylymı-zertteýshilik jumys júrgizý formatyn múddeli organdardy qatystyra otyryp, kelisilgen tártippen anyqtaǵan jón, - dedi Nursultan Nazarbaev. Rektor óz kezeginde eldegi joǵary oqý oryndary arasynan birinshi bolyp bastalǵan, joǵary oqý ornyn agrarlyq zertteý ýnıversıtetine transformatsııalaý boıynsha júrgizilip jatqan jumystar jóninde áńgimeledi. T.Espolov bul joba strategııalyq josparlaýdyń halyqaralyq standarttaryna sáıkes jáne álemniń bedeldi agrarlyq ýnıversıtetteriniń sarapshylarymen yntymaqtastyq negizinde júzege asyrylyp jatqanyn málimdedi. Memleket basshysy kezdesý qorytyndysy boıynsha agroónerkásip keshenindegi bilim men ǵylymnyń ıntegratsııalanýyna qatysty birqatar naqty tapsyrmalar berdi.