N. Erimbetov: Sheteldikter úkimettik emes uıymdarǵa jaı ánsheıin qarjy bólmeıdi

ASTANA. QazAqparat - Úkimettik emes uıymdardy sheteldikterdiń qarjylandyrýda jat ıdeıalar bar. Bul týraly búgin Ortalyq kommýnıkatsııalar qyzmetindegi brıfıngte Qazaqstannyń Azamattyq alıansynyń prezıdenti Nurlan Erimbetov málim etti.

Bul týraly búgin Ortalyq kommýnıkatsııalar qyzmetindegi brıfıngte Qazaqstannyń Azamattyq alıansynyń prezıdenti Nurlan Erimbetov málim etti.

«Qazaqstan azamaty retinde elimizdiń úkimettik emes uıymdaryn shet elderden qarjylandyrýyna qarsymyn. Men túsinemin, ótken ǵasyrdyń 90-shy jyldarynda qarjy bolmady, qıyn kezeńderge tap boldyq. Sol kezderi úkimettik emes uıymdarǵa sheteldik qarjy quıyldy. Al búginde biz ózimizdiń de qarjymyzǵa ómir súre alamyz. Sheteldikter jaı ánsheıin eshkimge aqsha bermeıdi. Onyń astarynda ıdeıalar jatatyny málim», - dedi sarapshy.

Osy oraıda N. Erimbetov kóptegen elderde, onyń ishinde birqatar eýropalyq memleketterde úkimettik emes uıymdar salasyna sheteldik qarjyny tartýǵa tyıym salynǵanyn, bul turǵyda tıisti zańdar qabyldanǵanyn atap ótti.

«Bizdiń memlekette barlyq jaǵdaılar bar. Sondyqtan da qoǵamdyq birlestikter sheteldik ıdeıalarǵa táýeldi bolmaýy tıis», - dedi ol.