MJZQ bazasynda biryńǵaı zeınetaqy qoryn 1 shildege deıin qurýǵa bolady - O. Jandosov
Bul týraly búgin «Atameken Forým» pikirtalas klýbynyń otyrysynda jýrnalısterge bergen suhbatynda «Rakýrs» ekonomıkalyq taldaý ortalyǵynyń dırektory Oraz Jandosov aıtty.
«MJZQ bazasynda biryńǵaı zeınetaqy qoryn qurýdy óz basym durys sheshim dep oılaımyn. MJZQ naryqtyń negizgi bóligin qamtyp otyrǵan jáne júz paıyz memlekettik qor bolǵandyqtan, sonyń negizinde jańa biryńǵaı zeınetaqy qoryn qurý tehnıkalyq jaǵynan óte durys bolady», - dedi ol.
Onyń oıynsha, 1 shildege deıin MJZQ bazasynda biryńǵaı zeınetaqy qoryn qurý onsha qıynǵa túspeıdi, «óıtkeni zeınetaqymen qamtamasyz etý týraly zańǵa kóp ózgeris engizýdiń qajeti shamaly». «Sońǵy 15 jylda Qazaqstandaǵy zeınetaqy qorlary bizdiń aqshamyzdy tıimdi basqara alatyndyqtaryn dáleldeı almady. Olardyń jibergen eń úlken qateligi - 2005-2007 jyldary nesıe alýdyń sharyqtaǵan kezinde qyrýar aqshany kúdikti kompanııalardyń oblıgatsııalary men aktsııalaryna salyp jiberýi, sonyń kesirinen defolt oryn aldy», - dedi O. Jandosov.
Onyń pikirinshe, qorlardy bir arnaǵa toǵystyrý zeınetaqy salymdaryn jınaý jaǵynan alyp qaraǵanda, Qazaqstannyń zeınetaqy júıesindegi máseleniń bir bóligi ǵana. «Mundaǵy mańyzdy jaıt, zeınetke shyqqan adamdardyń alatyn zeınetaqylary qandaı jerde jumys jasaǵanyna qaramastan shamamen alǵanda bir deńgeıles bolyp kelýi tıis», - degen oıyn bildirdi ol.