Myzǵymas baýyrlastyq: Qazaqstandyq áskerıler Tájikstanda oqý-jattyǵýda júr

TÁJІKSTAN. QazAqparat - UQShU elderiniń «Myzǵymas baýyrlastyq-2019» birlesken oqý-jattyǵýy Tájikstannyń «Harb-Maıdon» polıgonynda ótýde. Búgin UQShU Ujymdyq bitimgershilik kúshteriniń Armenııa, Belarýs, Qazaqstan, Qyrǵyzstan, Reseı jáne Tájikstannyń áskerı kontıngentteri qatysatyn ekinshi kezeń bastalady, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Áskerı qyzmetshiler Tájikstandaǵy UQShU elderiniń «Myzǵymas baýyrlastyq-2019» oqý-jattyǵýlaryna qatysady.

Qazaqstannan Qurlyq áskerleriniń bólimsheleri, sonyń ishinde bitimgershilik rotasy, ÁQK Áskerı-áýe kúshteriniń barlyǵy 73 áskerı qyzmetshisi, sondaı-aq ornalasý áýeaılaqtarynan oqý-jaýyngerlik mindetterdi oryndaıtyn Sý-30SM joıǵysh zvenosy qatysady.

Oqý-jattyǵýdyń stsenarııi boıynsha UQShU Ujymdyq bitimgershilik kúshteri taýly-shóldi jerlerde bitimgershilik kontıngentterin taǵaıyndaý jónindegi mindetterge daıyndaıdy jáne beıbitshilikti qoldaý boıynsha birlesken operatsııa ótkizedi.

Praktıkalyq is-qımyldar barysynda áskerı qyzmetshiler jergilikti jerdi patrýldeýdi, baqylaý-ótkizý pýnktterinde qyzmetti uıymdastyrýdy, jeke quramnyń kolonnalardy alyp júrý kezindegi is-qımylyn, eldi mekendi oqshaýlaýdy jáne jappaı tártipsizdikterge qarsy is-qımyl jónindegi mindetterdi oryndaýdy pysyqtaıdy.

Qatysýshylar birlesken jumystyń ádisi men tártibin zerttedi. Ujymdyq bitimgershilik kúshteriniń qolbasshysy general-maıor Vıacheslav Gýrov beıbitshilikti qoldaý jónindegi operatsııany ótkizýge UQShU Ujymdyq Qaýipsizdik Keńesiniń mandatyn aldy.

«Myzǵymas baýyrlastyq-2019» birlesken oqý-jattyǵýy UQShU Ujymdyq qaýipsizdik júıesiniń kúshteri men quraldaryn basqarý organdary men quralymdaryn birlesip daıarlaýdyń 2019 jylǵa arnalǵan bekitilgen jospary aıasynda ótýde.