Mysyrlyq ushaq Aqtóbe áýejaıyna qonýǵa májbúr boldy
16:32, 06 Shilde 2023
ASTANA. QazAqparat – Mysyrlyq ushaq bortynda órt tutaný qaýpine baılanysty Aqtóbe áýejaıyna qonýǵa májbúr boldy, dep habarlaıdy QazAqparat.
Azamattyq avıatsııa komıteti búgin tańǵy 4 saǵat 32 mınýtta Egıpettiń Red Sea áýe kompanııasynyń Boıng 737 ushaǵy Sharm-El-Sheıh-Astana baǵytynda ushyp bara jatyp, Aqtóbe áýejaıyna qonýǵa májbúr bolǵandyǵyn habarlady.
«Ekıpaj músheleri ushaq bortynda órt tutanýy múmkin degen qaýippen Aqtóbe áýejaıyna qoný qajet degen sheshim qabyldaǵan. Ushaqtyń 184 jolaýshysy men 10 ekıpaj múshesin Aqtóbe áýejaıynda apattan qutqarý komandasy men medıtsına mamandary kútip aldy. Ekıpaj músheleri bortta órt bolmaǵanyn aıtty. Jolaýshylar densaýlyq jaǵdaıyna shaǵymdanǵan joq», dep málim etti Azamattyq avıatsııa komıtetiniń ókilderi.