Mysyrda Ramazan aıyndaǵy eń uzyn dastarhan jaıyldy

NUR-SULTAN. QazAqparat - Senbi kúni Mysyrdyń jańa ákimshilik astanasynda Gınnestiń rekordtar kitabyna laıyqty Ramazandaǵy eń uzyn dastarhan jaıyldy, dep habarlaıdy «QazAqparat» HAA TASS agenttigine silteme jasap.

Al-Watan basylymynyń habarlaýynsha, úsh shaqyrymǵa sozylǵan dastarhanǵa bir ýaqytta aýyz ashýǵa 7 myń adam jınaldy. Kelgenderge dástúrli mysyr taǵamdary usynyldy. Aýyzashar aıaqtalǵannan keıin jańa astananyń kórikti jerleri men salynyp bitken oramdardy aralaý uıymdastyryldy. Gınnestiń rekordtar kitabynyń ókilderi «Egıpet jańa astanada tańǵy asty birge ishedi» uranymen ótken bul qoǵamdyq sharaǵa qatysty.

Adjman ámirligindegi (BAÁ) kópshilikke arnalǵan aýyzashardyń uıymdastyrýshylary 2900 metrge sozylǵan Ramazan dastarhanymen rekord jańartýǵa nıettenip otyr. Eger jetistikke qol jetkizilse, bul Mysyr halqy úshin bir aıdaǵy ekinshi jetistik bolmaqshy. Óıtkeni, eki apta buryn elde álemdegi eń jalpaq aspaly kópir iske qosylǵan. Gınnestiń kitabyna engizilgen Nil ózenindegi alty jolaqty kópirdiń uzyndyǵy 540 m, eni - 67,36 m.