Mysyr men Katar ShYU dıalogi boıynsha seriktes elder mártebesin aldy

TAShKENT. QazAqparat – Búgin Tashkentte Egıpet Arab Respýblıkasy men Katar memleketine Shanhaı yntymaqtastyǵy uıymy dıalogi boıynsha seriktes mártebesin berý týraly memorandýmdarǵa qol qoıý rásimi ótti, dep habarlaıdy QazAqparat menshikti tilshisi Ózbekstannyń SІM baspasóz qyzmetine silteme jasap.

Qujattarǵa ShYU Bas hatshysy Chjan Mın, Egıpet Arab Respýblıkasy syrtqy ister mınıstriniń birinshi orynbasary Hamdı Sanad Loza jáne Katar memleketiniń Syrtqy ister memlekettik mınıstri Sultan bın Saad Ál-Mýreıhı qol qoıdy.

Memorandýmdar ShYU men atalǵan elder arasyndaǵy óńirlik qaýipsizdik jáne turaqtylyq, saýda jáne ınvestıtsııalar, energetıka, AKT, aýyl sharýashylyǵy, kólik jáne kommýnıkatsııa, mádenıet, ǵylym jáne tehnıka, bilim berý, densaýlyq saqtaý, týrızm jáne basqa da salalardaǵy yntymaqtastyqty kózdeıdi.

Seriktes memleket mártebesi Uıymǵa múshe memleketterdiń shaqyrýy boıynsha ShYU sheńberinde ótkiziletin is-sharalarǵa qatysýǵa quqyq beredi. Memorandýmdar qol qoıylǵan kúnnen bastap kúshine enedi.

Shanhaı yntymaqtastyǵy uıymynyń sammıti 15-16 qyrkúıekte Samarqanda ótedi. Sammıtke 15 memlekettiń basshysy jáne ShYU-men resmı baılanys ornatqan onǵa jýyq halyqaralyq jáne óńirlik uıymdardyń, atap aıtqanda BUU, ESKATO, ıÝNESKO, TMD, UQShU, EAEO, AÓSShK jáne EYU men LAG jetekshileri qatysatyny belgili.